Litir MINI bera af í skærleika og gljáa og nú „toppum“ við okkur! Þessi glæsilegi margtóna litur er fyrstur sinnar tegundar. Við notuðum nýja lakktækni til að búa til áhrifamikið flæði úr dökkum San Marino bláum yfir í ljósan, perlubláan sem að lokum flæðir yfir í fágaðan gljásvartan. Þakvindskeiðin er dæmi um stílhreina loftaflshönnun og svartir hliðarspeglar setja punktinn yfir i-ið. Þar sem tæknin byggir á því að úða nýjum lit ofan í blautt lakk eru engin tvö þök eins.

Nýtt stafrænt mælaborð kemur í stað hefðbundinna mæla. Mælaborðið er sérhannað fyrir rafknúinn MINI með 5,0" litaskjá, í glæsilegri, svartri umgjörð, sem veitir upplýsingar um snúningshraða, aksturshraða, eldsneytisstöðu, kílómetrafjölda, hitastig og leiðsögn. Vandaðar tæknilausnir í ökumannsrýminu sem gera aksturinn bæði þægilegan og rafmagnaðan.

Stuðarahönnunin rafknúins MINI er djarfari og nútímalegri en áður. Innbyggð loftunarop vinstra og hægra megin draga verulega úr loftmótstöðu og leika því stóran þátt í því að gera MINI sparneytnari. Gular áherslulínur og „MINI Electric“-merki gefa grillinu ferskt yfirbragð. Þetta er svo undirstrikað með sígildum, lágstemmdum hringjum um framljósin.

Ekki bara glæsilegt. Líka afar gagnlegt. Fallegt og nútímalegt hliðarskrautið á MINI fangar athyglina og gefur bílnum falleg sérkenni, en það geymir líka innbyggð LED-stefnuljós. Á skrautinu er að finna Cooper SE-áletrun í gljásvörtu, gult S-merki og fíngerða krómlínu.

Ný hönnun afturstuðarans er breiðleitari til að gefa honum meiri og dýpri stöðu og tilkomumikla nærveru á veginum. Á honum er áberandi og kraftgult E-merki sem gefur bílnum ferskt framtíðarlegt yfirbragð. Það sker sig úr á lágstemmdan máta; það er tákn um hvers konar afl þú kýst.