Sætin eru með rafrænni stillingu og hægt að laga þau að hverjum og einum. Þau veita þægilegan stuðning við mjóbak sem tryggir framúrskarandi þægindi og skilar öllum afslöppuðum og endurnærðum á áfangastað. Það sem meira er, þú getur vistað tvær mismunandi stillingar með minniseiginleikanum, sem er aukabúnaður. Þú nýtur þess að vera í heilbrigðri setustöðu sem dregur úr álagi á hálsvöðva – sem er sérstaklega mikilvægt fyrir lengri ferðalög.

Ertu með báðar hendur fullar en þarft að opna skottið? Notaðu þá fæturna. Þökk sé aðgengis- og Easy Opener-eiginleikunum, sem eru aukabúnaður, og sjálfvirkri opnun afturdyra, geturðu opnað afturdyrnar á MINI Cooper SE Countryman ALL4 með því að sveifla fætinum snöggt undir afturstuðarann.

MINI Countryman er hannaður til að ráða við allskonar ferðir, hvort sem þær eru innanbæjar eða á landsbyggðinni. Aftursætin eru niðurfellanleg svo hægt sé að stækka farangurs- eða fótarými, þannig að þú getur á einfaldan hátt fengið aðgang að allt að 1.275 lítra farangursrými sem nýtist fyrir allar tegundir ævintýra.

Sniðug hugmynd sem mörgum yfirsést. Netið í farangursrýminu veitir áreiðanlega vörn fyrir hvers konar farangur sem þarfnast aukins stöðugleika og stuðnings. Þetta svarta net má festa á tengipunktana í farangursrýminu. Láttu ekkert sleppa í gegnum netið.

Þjónaðu til borðs fyrir tvo á þægilegum nestisbekk. Þessi mjúki tveggja sæta bekkur er með hlíf sem ver gegn óhreinindum þannig að þú þarft ekki að óhreinka þig þegar þú sest niður og tekur þér hlé frá sveitaakstrinum. Hann er festur með hnöppum undir gólfi farangursrýmisins og auðvelt er að setja hann í geymslu. Settu hann bara á syllu farangursrýmisins og þú getur þjónað til borðs. Njótið.

MINI Cooper SE Countryman ALL4 stimplar sig glæsilega inn með nýrri hönnun á framgrilli og stuðara. Grillið skartar djarfri skurðlínu við vélarhlífina og fæst bæði í krómútgáfu og nýrri  gljásvartri útgáfu, sem er aukabúnaður.

Breski fáninn og MINI eiga það sameiginlegt að vera tímalaus tákn fyrir langa og viðburðaríka sögu. Einkennandi LED-afturljósin hafa verið endurhönnuð fyrir nútímaakstur en með taugar til fortíðarinnar og mynda saman breska fánann, sem er haganlega rammaður inn í gljásvörtum lit.

Glæsilegt hliðarskrautið er ekki bara til að ljá MINI-bílnum þínum einkennandi fallegt útlit. Undir hliðarskrautinu vinstra megin má einnig finna hleðslutengið sem lýsist upp þegar stungið er í samband. LED-ljóshringur á hleðslutenginu sýnir hleðslustöðuna.

MINI Countryman-tengiltvinnbíllinn tekur sér afgerandi stöðu á vegunum sem styrkist enn frekar með nýjum og fínstilltum afturstuðara. Hann eykur jafnvægið í heildarhönnuninni með sterkum útlínum sem geisla í sama lit og bíllinn sjálfur, auk þess að spila stóran þátt í straumlínulagaðri hönnun MINI-bílsins. Hönnunin er svo fullkomnuð með afturdreifaranum sem undirstrikar sportlegt útlitið.

Glæsilegar háglansandi píanósvartar hönnunaráherslur efla stíl og útgeislun MINI Countryman-tengiltvinnbílsins með rammanum utan um fram- og afturljós, dyrahandföng og í hinu nýja grilli. Þessi klassíska hönnun styrkir enn frekar einkennandi og kröftugt útlit MINI-bílsins þíns. Stílhrein nýting á gljásvörtu áferðinni í farangursrými MINI Countryman gefur bílnum þínum enn meiri persónuleika. Áhrifin má magna enn frekar þegar þessir þættir eru tvinnaðir saman við aðra svarta fleti ytra byrðisins, svo sem svart þak, spegla, svört dekk eða svartar rendur á húddi.

Hin nýja og hugvitssamlega hönnun LED-aðalljósanna (staðalbúnaður í nýjum MINI Countryman) veitir MINI-bílnum þínum sérstöðu og aukið öryggi. Þú getur einnig útbúið MINI-bílinn þinn nýjum, sjálfvirkum LED-aðalljósum með stoðnetstækni. Þau veita bestu lýsingu við lágt birtustig og hliðarlýsingu þegar þú beygir fyrir horn. Þannig sérðu veghluta sem þér gæti annars yfirsést. Ef frammyndavél MINI-bílsins þíns greinir ökutæki sem er mætir þér aftengir sjálfvirkur deyfieiginleiki þá hluta háu ljósanna sem beinast að hinu ökutækinu til að forðast að blinda aðra ökumenn.

Gíraðu upp torfærutilfinninguna og dragðu fram ævintýragirnina í MINI Countryman-tengiltvinnbílnum þínum. Með MINI ALL4 Optic-útlitspakkanum fyrir ytra byrðið færðu einkennandi fram- og afturstuðara með skreytieiginleikum og pönnuvörn með mattri áláferð.

Áherslan á hvert smáatriði hefur löngum verið aðalsmerki okkar og þaðan kom drifkrafturinn við fagurfræðilega hönnun innanrýmisins. Innanrýmiseinkenni á borð við MINI Yours Interior Style silfurskyggða mælaborðið, sem er aukabúnaður, bera vott um vandað handverk og kunnáttu sem ávallt hefur verið aðalsmerki okkar, auk þess að draga fram fágunina sem alls staðar svífur yfir vötnum.

Þér líður samstundis vel þegar þú sest inn í MINI Cooper SE Countryman ALL4, enda sérðu strax að þægindin eru í fyrirrúmi þar sem innra rýmið er haganlega hannað úr framúrskarandi efnivið og þú sest í mjúk úrvalsleðursæti. Hér mun jafnvel grófasta vegleysa verða notaleg og takturinn þinn helst ótruflaður.

MINI-bíllinn þinn er sannkallað tákn um stíl, með auðkennandi nútímalegum áhersluatriðum í innanrými. Litaþemað samanstendur af hurðarklæðningunni og yfirborði armpúðans auk hnjápúða undir mælaborðinu. Það veitir þér frábæran möguleika á að sníða MINI-bílinn eftir þínu höfði og mynda sjónræna andstæðu við svo til hvaða lit sem þú velur fyrir innanrýmið.  Það fæst í þessum hrífandi litatónum: Þokugrár, gljásvartur, uppljómaður gljásvartur, JCW-gljásvartur og hinn nýi skuggasilfurlitur.

Hljómur tilfinninga á ferð og flugi. Hljómtækin, sem Harman Kardon hefur haganlega hannað, nota hágæðahátalara með hreinum, tærum og kröftugum hljómi sem gleður jafnvel vandlátustu eyru.

Með einum hnappi á miðjuskjá MINI geturðu látið þennan inndraganlega litaskjá birtast í beinni sjónlínu upp úr mælaborðinu. Þar geturðu fylgst með hraða, fengið ferðaleiðsögn, upplýsingar úr afþreyingarkerfinu – og einnig viðvaranir – án þess að missa nokkurn tímann sjónar á veginum. Gegnsær skjárinn er jafnframt auðveldur aflestrar jafnvel þótt sólin skíni beint á hann. Á valmyndinni má svo stilla allt í senn, upplýsingarnar sem hann birtir, hæð, snúning og birtustig.

Loftklæðningin við framrúðuna er kolgrá og róar andrúmsloftið í öllum MINI-bílum. Sólskyggnin, rammarnir um inniljósin, bæði lofthandföngin fyrir aftursætin og A-, B- og C-stoðirnar skarta einnig kolgráa litnum.